牛奶「厚多士」

大家咪誤會，我只係試作形容今日個lunch咋。首次同同事去尖沙咀見客，順道帶我食下好野。

👧🏻 女孩子就係鐘意甜食，特別係軟綿綿的。所以就去左食每日期間限定的「招牌法式多士」。

一向對多士無特別喜好，但見佢厚厚的、軟軟地，又有糖霜係面，仲要每日限定咁巴格閉，當然都試下。😬 最重要係呢個時段唔多人，環境又好日系，幾舒服。

等左一陣，「招牌法式多士」熱騰騰的用鐵Pan上。侍應哥哥好nice，叮嚀我地小心熱，仲幫我地攞左兩甖糖漿添 🍯

哈，我呢個唔太靚，扁左少少。Close up朋友果份俾大家睇下。

厚厚的法多，真係幾吸引！

切開入面柔軟，食落唔錯。加上糠霜多一層味道，更有層次。喜歡甜一點的朋友，又可試下加糖漿。味道都唔錯，不過因整塊多士甜度提升了，有點蓋去本身牛奶多士的味道及糖霜果種輕輕但又能劃龍點精的感覺及口感。所以我個人會建議中間保留原有的味道，而邊位因沒有糖霜及是烤邊，所以則可以糖漿加以調味。

另，個人覺得邊位可做多層令佢再鬆一點。及提議可加多款係放雪榚上面，應該都好好食！